طرق لشحن بطارية موبايلك للطواريء بدون كهرباء

النور بيقطع كتير الفترة ديه ولفترات طويلة

أوقات بنحتاج نشحن الموبايل ولو بقدر بسيط عشان نعمل مكالمة سريعة أو نبعت إيميل أو حتى نطمن إن معانا شحن في البطارية واحنا خرجين..

النهارده هنتعلم طريقتين نشحن بيهم الموبايل للطواريء، طبعًا الشاحن هو أفضل الحلول وأضمنهم عشان نحافظ على البطارية ، فبالتالي لازم نركز كويس من البيانات الموجودة على ضهر البطاريات بتاعتنا ونحاول نعرف التيار والفولت اللي بتحتاجه.

الطريقة الأولى: هنحتاج كابل شحن usb مش محتاجينه ، والبديل سلك شاحن قديم بايظ

4 بطاريات أو 3 بطاريات 1.5 فولت (البطاريات العادية)

سلكين أو وصلة تمساح من أي محل إلكترونيات.

وصلة تمساح

USB charger wire

4 Batteries

…..

……

…..

…..

……

ايه اللي احنا عاوزين نعمله؟ عاوزين نوصل الـ 4 بطاريات بالموبايل عشان يدينا DC  كافي لشحن البطارية

الخطوة الأولى: هنمسك سلك الـ  USB او الشاحن القديم ونقصه من النص، هنحتاج بس الجزء اللي بيتوصل بالموبايل ومش هنحتاج الجزء التاني.

الخطوة التانية: هنجيب البطاريات ونوصلهم على التوالي جمب بعض زي الرسمة اللي فوق، ممكن نعمل ده عن طريق اي بوكس في لعبة قديمة عندنا، أو نقدر نلحمهم او نلّمسهم ببعض بكل بساطة ونطلع سلكين من البطاريات سلك من الموجب وسلك من السالب.

الخطوة التالتة: نرجع لسلك الـ USB ونقشر السلكين الأحمر والأسود ، ممكن نلاقي أسلاك بألوان تانية، ملناش دعوة بيهم وملهمش لازمة في تجربتنا. وبعديها هنوصل السلك الأسود بسالب البطارية، والسلك الأحمر بالموجب. هنلاحظ إن التليفون بدأ يدي إشارة الشحن.

---

الطريقة التانية باستخدام الطاقة الحركية وموجودة بالتفصيل في الفيديو ده: