بمزاجك Seen خليك

مارك خلانا نبان seen لكن على مين! 😀

فيسبوك عَمل موضوع الـ seen messages من مدة طويلة ولما عمل كده ناس كتير افتكروا ان ده يعتبر اقتحام لخصوصيات الناس وقام جوجل كروم وفايرفوكس بعمل إضافة بسيطة تقدر تخليك تتحكم في الحوار ده
جوجل كروم فيه ميزة زيادة عن الفايرفوكس .. والميزة إنه بيقدملك Icon تخليك تتحكم في فتح وقَفل الخاصية زي ما انت عاوز.
من غير كلام كتير اسم الإضافة Facebook Unseen

تقدر تنزلها على جوجل كروم من هنا

وعشان تثبتها امشي بالخطوات دي معانا:
هتفتح جوجل كروم دوّر على القايمة اللي ع اليمين جمب الـ url
اختار بالترتيب
settings>>>Extensions>>>Get More Extensions

وباقي الخطوات مع الصور

بعد ما تدوس ADD هتظهرلك الـ Icon اللي قلنا عليها.. وهي منورة أزرق يبقى الضافة شغالة ومش هيشوفوك seen ومش هتبان Typing حتى.. ولو منورة رصاصي تبقى مقفولة.. بالبساطة دي 🙂
وبالنسبة لفايرفوكس من هنا

خطوات تثبيت الاضافة على الفايرفوكس بعد ما تدوس على اللينك:

وكده اتثبتت.. لو محتاج أي مساعدة في حاجة أو عاوز تعرف معلومات تفيدك تقدر تتابعنا دايما على الفيسبوك

Rochester Cloak

IP Address عن الـ

في مسابقات زي احسن ممثل ومغني اللي بتعملها MTV .. بيكون ليك فرصة تدخل وتعمل vote لشخص انت بتحبه أو عاوزة يكسب الجايزة ..ولما بتيجي تعمل تصويت مرة تانية بيقولك إنك صوتت قبل كده ومينفعش تاني! طب هو عِرف منين؟!
من الـIP Address..
عشان تدخل على الانترنت من أي مكان فيه حاجة اسمها IP Address..اختصار لـ Internet Protocol.. و Address ده العنوان المميز اللي بتدخل بيه اي حتة على الانترنت.
كل كمبيوتر كده ومينفعش أبدا اتنين يدخلوا بنفس الـ IP ولو حصل هيطلع لك ايرور ويقولك فيه conflict

الناس ساعات بتفتكر ان الـ IP هو اللي احنا ساعات بنكتبه (192.168.1.1)
وهتسأل: طيب لما انا عندي الرقم ده وكذلك جاري وصاحبي اللي ساكن في حلايب وشلاتين  يبقى ازاي كل عنوان مختلف؟

هقولك ان بكل بساطة ده مش رقم  IP الحقيقي بتاعك..ده رقم اتصالك بالراوتر
ولما بيتغير الواحد الاخير ع اليمين ده ..هيبقى رقم اتصال جهاز تاني بشبكتك
يعني ده رقم بيخليك تتصل بمزود الخدمة اللي انت معاه مش أكتروفيه عملية كبيرة تانية بقى بتحصل مع الراوتر الغلبان عشان يدخلك ع النت ومبتحسش بيها..
ده مفيد لأن ببساطة انا لو عارف الاي بي الحقيقي بتاعك هيبقى سهل اخترقك.

كده هنروح لتاني نقطة: ازاي بقى أي حد ممكن يحجب عنك موقع؟
عن طريق انه يمنع الآي بي بتاعك او بتاع الدولة بتاعتك انها تدخل على الموقع ده.. زي ما حصل ليلة الثورة على تويتر مثلا وزي ما فيه دول بتحجب الفيسبوك ويوتيوب ..مع ذلك فيه ناس بتدخل على المواقع دي عن طريق الـ Proxy وهو “إنك تعمل نفسك مش انت “وتفِّهم الشبكة انك داخل من حتة تانية خالص غير الدولة بتاعتك الحقيقية فبيدخلك عادي جدا !

كده نلخص اللي فوق إنك باختصار اول ما بتبعت انك عاوز تدخل موقع معين، الموقع بيدور على الآي بي بتاعك وسط الايبيهات المسموح لها.. لو لاقاك هيدخلك .. ملقكش هيمنعك

نيجي بقى لنقطة: إزاي تعمل نفسك مش أنت

يعني ازاي تغير ال IP بتاع دولتك وتبان إنك من منطقة تانية زي أمريكا أو انجلترا مثلا؟
فيه extension اسمه zenmate هو ده اللي هيقوم بالمهمة كاملة احنا مش هنعمل حاجة ومش هنستخدم طرق البروكسي القديمة.

نزله على جوجل كروم من هنا
وأوبرا من هنا
والخطوات من على جوجل كروم كالتالي اتبع الصور:

1- أول ما نفتح اللينك هنلاقي الشكل ده.. هنضغط على علامة ال + اللي فوق ع الشمال

2- هيظهر السؤال ده هنضغط Add

3-أول ما هيخلص هيجيبلك الصفحة دي هتكتب ايميلك عادي جدا لا تقلق

4- هيديلك باسورد ليك.. حقك تغيره تخليه أي حاجة انت عاوزها وتدوس change

5-أول ما تغيره هيديلك الصفحة دي بعلامة الصح.. اضغط GOT IT !

كده الاضافة اتثبتت في سلام وهتظهرلك فوق علامة شبه الدِرع.. ديه اللي هتتحكم منها في الاضافة طول الوقت بإنك توقفها أو تشغلها وتحدد المنطقة اللي عاوز تظهر نفسك منها.

لو بصيت من تحت هتلاقي في المربع الأحمر ع اليمين On And off .. لو قفلته هيظهرلك الرسالة دي وده معناه انك موقف الاضافة ولا أكنها موجودة.طيب لو عاوز تشغلها هتدوس على On الأول وبعديها Change location اللي ع الشمال هيظهرلك الصفحة اللي فيها 5 دول ..بتختار منهم وبكده تبقى عملت نفسك مش انت 🙂